يا الله ادعيك يا سامع دعاءكل مضطر ***يا من الحكم لك في الاوله والاخيره
سالك الطف بنا الله في ما تقدر ** واكتب الخير لي والخير ما تستخيره
واحمدك كل ما شهد وهلل وكبر***حمد يرضيك عد اليابسه والخضيره
قال ابو خوله البارح منامى تحير ***نامت الناس من حولي وعينيسهيره
كل ما لملم اشواقي شويه تبعثر*** والمعاناه تكبر فوق ما هي كبيره
من هنا لاهنا اتنقل وقيدي مسكر *** في الجزيره لحالي والعرب في جزيره
واحده للهدف توصل وثنتين تقصر *** والمسافات ما بيني وبينه قصيره
كل ما قلت ما ذلحين باصل تعثر *** من حفيره مكاني دايما لا حفيره
ضاقت الضايقه والراس شاهي وسكر ** واصبح العيب طاهر في الشموس الهجيره
دارت الارض بي سبعه وسبعين مخطر*** طائر الشوق جزعني على كل ديره
في ثواني ركبت الجو والبحر والبر*** طاف ابو خوله العالم وهو في سريره
شفت لبنان والمكسيك والهند الاخضر*** والجزاير وتونس والعراق المثيره
شفت ما لا توقعته وماتصور **** ليله الجن خلتني بحاله خطيره
حرقتني وطفتني بفاير مفور *** حسبتني على ذنبي وذنب العشيره
ليله امسيت انا فيها على الجمر الاحمر** واللهب حافي الرجلين جيه وسيره
صحت بلصوت وين الناس الايمن والايسر*** وين الاصحاب وين اهل العقول البصيره
وان محد سئل عني ولا حد تخبر *** كن بقعا من اهل الجود صارت فقيره
قلت يا قلب يكفيك الغشامه تفكر *** في صحب فاتره واهل الهروج الكثيره
بعض الاصحاب ما هل مثل بندق مكسر*** وش معك من بنادق ما لبوها دخيره
لم هولا الخرد للمشتري قل تجبر *** لا ترجل ورد المسئله لا ضميره
كم يساوون هولاه الخرد قد هو اخير*** ان جو وان ساروا كسب ابتهم كسيره
لاتشطر على ما جاء ولا با تشطر*** ويش ما جاب فيهم كثر الله خيره
بيع هولا الخرد يا قلب ابوخوله اخير*** وش معك من خرد من جارها ما تجيره
لا تحسر ولا تندم ولا با تحسر *** بعض الاصحاب ما هي بالندامه جديره
بس لك بس لا تجلس مكانك مغرر*** سر بثوبك وثوب الغير لا تستعيره
لن ثوب العياره ما يدفي وستر*** ون دفاك ما بيدوم لك ثوب عيره
كون حسب حسابك في الصحب لا تهور*** ترك الفسل واصحاب النفوس الشريره
قالو الشاعر الحساس بالعين يبصر *** في سلوك البشر ما لا تراء عين غيره
عزالاجواد ذي في الخير والشر تطهر *** ذي على اوجاهها تصبح وتمسي خسيره
بالخساره على الناموس لجواد تفخر*** والخساره على الجواده مكاسب كبيره
بعض الاصحاب من كدفه صغيره يكسر*** والوفي قالو احساسه وفعله سفيره
لا هنا بس يكفي من فتح باب سكر*** والنهايه جحا داري بقيمه حميره
ختمها بالنبي طه الحبيب المبشر*** الف صلو على مولا الجبين المنيره
الرئيسية
المنشورات
