مع المحبين نسهـر ولااحد يعاتب
ليلـة وباقـي ليالـي العمـر متعوبـه
والمـلـك لله لا بـايـع ولا كـاسـب
يخذ من المـال لا قبـره سـوى ثوبـه
لو يصبـر الدهـر لا آكـل ولا شـارب
أو يملك أهرام فـوق البحـر منصوبـه
لي عشرالى الآن من ارض الوطن غايب
لا اريد اسافر ولا اريـد اعلـن التوبـه
لاغير لا شوف من سافر رجـع تاعـب
يرجع مكوى علـى راسـه وعرقوبـه
والخطـوة اقـدار للجايـئ وللـذاهـب
ما صادف المـرء فـي دنيـاه مكتوبـه
مهما تعذبـت فـي المهجـر وناراغـب
ماشي تعيبـه وهـي للنفـس مرغوبـه
ومن نقدنـي يصارحنـي ونـا جـاوب
لافي اليمن خير من حقده ومـن حوبـه
تآمـروا فـي إزالـت نجمـه الثاقـب
ذي نوره آضاء جبال الشطـر وشعوبـه
برهن لهم من المخطـي مـن الصائـب
اسـس مشاريـع معروفـه ومحبوبـه
الطفل يبكي على الحمدي كمـا الشايـب
ذي زال عنهم زمـان الـذل واسلوبـه
جريمـة القـتـل مسؤلـيـة النـايـب
وقايـد الجيـش والحـارس ومندوبـه
مهما تعمـرت يابـن الغشمـي العايـب
من قتّل النـاس بـد النـاس يلقوابـه
ما بدنـا فيـك فكـرك والأمـل كـاذب
سياستـك ترجـع الدمـام مصحـوبـه
بنـار الأحـرار ذي باروتهـا ذايــب
كم من بطل في شمال الشعب واجنوبـه
لايرهب الموت من ظالم ومـن غاطـب
ويصبـر ايـام مـن اكلـه ومشروبـه
شن الدعايـات مهمـا يكتـب الكاتـب
ما عندنا مـن كـلام الكـذب مرحوبـه
قد انتهـا الـذل وانتـه منهـي خايـب
ومـن بجنبـك يديـر افكـار مسلوبـه
يارب سلطان من فوق الفـرس راكـب
في مر الأيـام يرجـع تحـت مركوبـه
يا ساعة الثار ياوقـت القضـاء قـارب
لا تحـرم انفـاس محرومـه وملهوبـه
يكفِّي الهجـر بيـن البنـت والخاطـب
يعيش محـروم فـي وحـده وغيبوبـه
ويتـرك الأهـل والجيـران ولصاحـب
يموت غايب وهـي عـذرا ومخطوبـه
ياكل مجروح من ارض اليمـن هـارب
لا تجعل النفس تحت اليـاس مرهوبـة
بينك وبيـن اليمـن ربطيـن متقـارب
الأهل فـي حاجتـك والأرض مصلوبـه
يـارب ترحـم وتقبـل دعـوة الطالـب
تعيد من غـاب عـن اهلـه ومحبوبـه
.
الرئيسية
المنشورات
