قصيده من اروع القصايد القديمة الشعبية التي لا زال يتداولها الجميع وتعتبر من الموروث الشعبي للمنطقة
اعـوذ بالرحمـن مـن شـر مـا خـنـس=ومـن مهـرة ابليـس اللعيـن الموسـوسـي
يـاالله يـا مـن بيـدك الضيـق والنـفـس=ويـا فـرد عالـي يـا غنـاء كـل مفلسـي
ويـا حافـظ الاطـفـال ذي عـادهـم درس=وكمـن ولـد يـقـراء بلـوحـه وطيـسـي
ويا من حفظ يونس في البحـر يـوم غطـس=وفـي بطـن حـوت البحـر بربـه تونسـي
ويـا كافـل الحيتـان فـي لجـة الطـمـس=ومفضل لهـا بالـرزق فـي بحـر طامسـي
لك الحمد ما سيلـك نـزل واخضـر الليّبـس=واسقـئ جميـع الارض خضـراء ويابسـي
وصلـو علـى مـن حبـه الله وقـد حـرس=ومن كان له الرحمـن فـي الغـار حارسـي
ويا بو علـي معنـا مـن الجـن ذي حبـس=وذي لـه عشـور المـال ساكـن بيفـرسـي
تقـول اخـت محسـن حـلا طـرح اللعـّس=ولابس جعيـد اخضـر جـذع بـه ومكتسـي
وصف الربابي عقد فـي الصـدر ذي نكـس=وحليـه لهـا فـي الخصـر عاقـد وناكسـي
واكعابهـا الرمـان سبـحـان ذي غــرس=ويشبـه حبـوب الليـم نـبـت غـوارسـي
ولبسـي كسـا بيحـان مـا نالـه الـدبـس=ونلبـس حريـر اخضـر مخمـس مسدسـي
انا حرف صافـي مـا دخـل قلبـي النجـس=وحاشـا علـى الله مــا قلـبـي ينجـسـي
انـا غنـج غنـج الغنـج غنجـوج لا دنـس=انـا بـر ميسانـي علـى الفيـل دنكـسـي
انا النف انـا النفنـوف فـي ساعـة الهـوس=الا اذا هـــزت ريـــاح النسـانـسـي
ومـن بعـد يـا حيـا وفـق النسيـم نــس=ومـن حـز قلعـه عاليـه هـب هاجـسـي
قلعة سحـاق الجيـد ذي سـو لهـا الحـرس=وذي سولهـا الرمـيـان ميتـيـن فـارسـي
وسـوو القيـود القاسيـه تحبـس الـعـرص=وسيارهـا حديـد مــن شـغـل قابـسـي
وعلـي عبـاد الجـيـد يـاراعـد الغـلـس=ويا سيف يـا سـم العـداء فـي المجالسـي
يرحب متى جاء الضيف مـا يدهمـه حمـس=ويـا مكـرم الضيفـان متـى جـت مغلسـي
ومن بعد يا سيار قـم اركـب علـى فـرس=قـم شـل خطـي لا انـت قيفـي وعابسـي
مـن القلعـه البيضـاء توكـل علـى نفـس=ونعوه بنـاء تجـزع كمـا الذيـب الاهيسـي
وتجزع مريـس طريـق سلـم لهـم وبـس=اهـل الكـرم والعـز واهــل الدوايـسـي
ومـر السويـدا طـول مـا يدهمـك نعـس=وحجـر الوسيـعـه لضمـيـد المجمـسـي
وتمسي في الضالع على النـور فـي الونـس=وخذلـك مـن القـات الحسيـن المبركسـي
علـى حردبـه تعـزم وتحـذر مـن الغلـس=وفي الليل تجزعهـا متـى الشهـر مروسـي
وفي لحـج تجـزع مـزرع التمـر والبلـس=وفيـهـا البساتـيـن الــورود المفـرسـي
والى الشيخ عثمان اجزعـه واحـذر العكـس=حيـث البنـات السمـر كـمـن مـورسـي
وتعزم عدن في الريـل ذي سولـه الجـرس=ومـن حرهـا يطلـع غـبـاره مكـوسـي
ومرسـاي توصلهـا علـى دقـة الطـيـس=وخذلـك بـهـا يومـيـن فيـهـا تنفـسـي
واقصد علي ناصـر نمـر ساعـة الحـوص=ورشـه بعطـر العـود ذي هـو مقرطسـي
سلـم عليـه ذي قــد نسيـنـا ولا نـهـس=وقلـه يذكرنـا متـى القلـب قــد قـسـي
ويا سعد من يصبـر علـى صاحبـه وبـس=والصبـر حكمـه لا الحبيـب قـد تمهسسـي
ولا اذكـر مكانـه داخـل البيـت لا جلـس=وقلـت انـا محبـوس مـن حبـس حابسـي
سدا لـي سـدا فـي عهـدة الليـل لا همـس=كانـه رمـد فـي العيـن يمسـي يلهمـسـي
انا لا اعهـد انـه بحـر ينـزاد مـا نقـص=ومثـل مركـب القبطـان للمـوج يرفـسـي
قدامسيـت لافـسـر ولا جـانـي النـعـس=شبيه الطرب والعـود فـي ايـدي المقبسـي
قلـو لـذي نسنـس وذي عــاده انتـكـس=وبيع كسـاه فـي الحـرب واصبـح مفلسـي
انـا منعكـم كمـن ولـد يضـرب الشمـس=عينـو عليـه بالنـول يــاوي منومـسـي
ولا ترتهـب يـا الخـل مـن قلـة البـيـس=مـن انسابـه الاجـواد يـوكـل ويكتـسـي
وكمـن بنيـه فـي اليمـن تطـرح اللعـس-وتصبـر علـى مــا قــدر الله وقيـسـي
وذا قـول هيلـه بنـت مسعـد عبـاد خـص=وهـا يـا ولام الهـا بحـرفـه تهنجـسـي
واناافتيك مـن بـازل علـى بـازل ارتـوس=اذا صـاح نـص اليـل لصـى الفوانـسـي
وعاد لـه بـازل ذهـب لعـن ابـو البيـس=صايـم وهـو فاطـر واخضـر ويابـسـي
ان قلت بجلـس قـام وان قمـت انـا جلـس=شبيه الحطـب والنـار فـي ايـد المواكسـي
_____________________ =ون قلـت لـه يـهـدا قبيـلـي معاكـسـي
وصلـي علـى مـن حبـه الله وقـد حـرس=ومن كان له الرحمـن فـي الغـار حارسـي
وايظا عتقد ان في هذه القصيده بعض النقص والاخطاء فمن لديه ملاحظه او خلفيه عن هذه القصيده ارجوا ان لا يبخل علينا بالتوضيح وشكرا
--------------------------------------------------------------------------------
الرئيسية
المنشورات
