ياقاسم محمد ألوه يامسئـول فـي السنتـرال=أفتح خط هاتف جبن باوجه هد عشـر سـؤال |
الأول عن أحوالكم نستعلـم علـى كـل حـال=وخبار الوطن بعد ما حل الخيـر والشـر زال |
لن المغترب دائما فـي حـب الوطـن لايـزال=وخبار الوطن همنا حتا لـو المراحـل طـوال |
والثاني بهاتف جبن زاد الضغط فـي الأتصـال=لحد قـال بايتصـل يسمـع رنـة الأنشغـال |
سويتو خطوط أربعـة فـي بدالـة الأتصـال=دايم تنفصل بعد ما نجلس نبحـث أربـع ليـال |
والثالث بشأن الطريق صارت من أمور الخيال=مرت سبع في رصفها يهل الخير والصبر طال |
والرابع رقمنا عن مستشفى جبـن والخصـال=ماشـي يوجـد دواء للحصبـة ولا للسعـال |
والتعليم في المنطقة ماكفـت فصـول العيـال=في فصلين بتزحموا ماللفهـم يوجـد مجـال |
والخامس عن أوضاعنا بالأسعار نضرب مثال=كيلو لحم سعره ميه والبيضـة ثلاثـة ريـال |
واللي ما أمتلت خزنته مطلوبه بعيـد المنـال=دايم عيشته في نكـد والأحمـال فوقـه ثقـال |
والسادس لعولة جبن ذا قولي وشرح المقـال=واجب نتبـع ديننـا والطاعـة لـرب الجـلال |
ما نشتي نصدق بدع أو نوقع عرايـس فتـال=الأول يشلـه جمـل والثانـي تشلـه غـزال |
والسابـع لحكامنـا أهـل العـدل والأعتـدال=حكم العدل خير االبلد والأهمـال سبـب قتـال |
الأسـلام قـال أعدلـو وبـرك رزق الحـلال=يوم الحشر ماشي ولد باينفـع ولافـاد مـال |
حاكم شرع ذي ماظلم في حكمه ولايوم مـال=ماهو من لبس عمته بيضا فوق زنـه وشـال |
والثامن عن المرتشي وهل النصب والأحتيـال=خلتهم نفوس الطمع ينسو ربهـم ويـش قـال |
خانو دينهم وهملو ميثاق الوطن في الشمـال=لازم يلزمـوا حدهـم أو يتربطـو بالحـبـال |
والتاسع حلمنـا بحفـر الآبـار نشـرب زلال=هل يتحقق الحلم أم حفر البير أصبـح محـال |
والعاشر عن المغترب في البعد مارتـاح بـال=يبكي لاذكر موطنه والأحبـاب والدمـع سـال |
لاتستغربـو لبـس دشداشـه وسـو العقـال=والعمه تقلـه عمـا والخالـه تقلـه خـلال |
والحادي عشر بعد ما تم الشـرح والأتصـال=لجل المصلحه والقيم واجب نتبع أربع خصـال |
واجب عند جلساتنا نتـرك طيشنـا والجـدال=ون حان العمل في البلد نزرع سهلها والرمال |
ون دار ت ضروف الزمن واجب نحتمي بالجبال=ما تنفع دشم واهيه لومال الزمـن واستحـال |
من يشتي كرامه وعز يمشي بعد خير الرجـال=والعقال ذي يعرفو ويـن المصلحـه والعطـال |
وأختمها وصلي عدد مـا وحـد لربـه بـلال=عالمختار سيد البشر ميمـاً حـا وميمـاً ودال |
الرئيسية
المنشورات
